Flýtitenglar

Nýtt gæða- og umhverfiskerfi fyrir íslenska ferðaþjónustu

VAKINN, nýtt íslenskt gæða- og umhverfiskerfi fyrir ferðaþjónustu var formlega tekið í notkun í gær. VAKINN er afsprengi þróunarverkefnis sem Ferðamálastofa og Nýsköpunarmiðstöð Íslands hafa unnið að í náinni samvinnu við Samtök ferðaþjónustunnar og Ferðamálasamtök Íslands. Markmiðið með VAKANUM er að efla gæði og öryggi í ferðaþjónustu á Íslandi með handleiðslu og stuðningi, ásamt því byggja upp samfélagslega ábyrgð ferðaþjónustufyrirtækja.

Kynningarfundur um VAKANN verður haldinn á Hótel KEA á Akureyri kl. 9:00-10:30 þann 5. mars nk. Þá hefur einnig hefur verið opnuð vefsíðan  www.vakinn.is þar sem hægt er að fræðast nánar um kerfið.

Vinnandi vegur: Átak til að fjölga störfum

VINNANDI VEGUR er sameiginlegt átak samtaka atvinnurekenda, sveitarfélaga, stéttarfélaga og ríkisins. Ávinningur allra er hafður að leiðarljósi: Um leið og atvinnurekendum er gert kleift að nýráða starfsfólk er atvinnuleitendum gefið tækifæri til þátttöku í atvinnulífinu.

Með þátttöku í VINNANDI VEGI eiga atvinnurekendur kost á styrk með ráðningu nýrra starfsmanna úr hópi atvinnuleitenda. Átakið beinir sjónum sérstaklega að einstaklingum sem hafa verið án vinnu lengur en 12 mánuði. Meira →

Styrkir til úrbóta á ferðamannastöðum

Ferðamálastofa byggir umhverfisstefnu sína á sjálfbærri og ábyrgri ferðamennsku enda er náttúra Íslands sú auðlind sem ferðaþjónustan á Íslandi byggir á til framtíðar. Mikilvægt er að byggja upp innviði sem geta tekið á móti vaxandi fjölda ferðamanna, tryggt öryggi þeirra eftir bestu getu og boðið upp á nauðsynlega þjónustu. Jafnframt þarf að gæta þess að allar áætlanir og framkvæmdir á ferðamannastöðum séu byggðar á vandaðri greiningu og rannsóknum og unnar af mikilli varkárni og virðingu fyrir viðkvæmri náttúru Íslands og sögu. Hönnuðir og skipuleggjendur ferðamannastaða þurfa því að hafa næmt auga fyrir því hvort, og þá hvar og hvernig, mannvirkjum er valinn staður þannig að þau skerði ekki ásýnd hans en ýti fremur undir sérstöðu staðarins og þá upplifun sem ferðamaðurinn sækist eftir. Meira →

Átak til atvinnusköpunar – opnað hefur verið fyrir umsóknir

Átak til atvinnusköpunar – á markað með snjöll nýsköpunarverkefni?

Iðnaðarráðuneytið auglýsir eftir umsóknum um styrki úr verkefninu Átaki til atvinnusköpunar.
Átak til atvinnusköpunar veitir styrki til nýsköpunarverkefna og markaðsaðgerða starfandi frumkvöðla og nýsköpunarfyrirtækja.
Styrkir geta að hámarki numið 50% af heildarkostnaði verkefnisins. Ekki eru veittir styrkir til fjárfestinga s.s. í tækjum og búnaði. Meira →

Kynningarfundur á samstarfinu um íslenska jarðvarmaklasann

Fimmtudaginn 16. febrúar frá kl. 17:00 til 18.30 verður haldinn almennur kynningarfundur á klasasamstarfi um íslenska jarðvarmann, Iceland Geothermal, í húsnæði stéttarfélaganna að Garðarsbraut 26, Húsavík. Framsýn og ráðgjafafyrirtækið Gekon standa að fundinum. Allir eru velkomnir. Meira →