Flýtitenglar

Ferðavenjur erlendra ferðamanna sumarið 2016

Rannsóknamiðstöð ferðamála (RMF) gaf nýverið út sex skýrslur um ferðavenjur og útgjöld erlendra gesta sumarið 2016 á sex áfangastöðum, þar á meðal Mývatnssveit og Húsavík. Skýrslurnar byggja á spurningakönnun sem hefur verið framkvæmd árlega frá sumrinu 2013 á alls ellefu stöðum. Höfundur og umsjónaraðili verkefnisins er Lilja Berglind Rögnvaldsdóttir en rannsóknin var samstarfsverkefni Rannsóknamiðstöðvar ferðamála og Rannsóknaseturs Háskóla Íslands á Húsavík. Meira →

Áfram verulega jákvæð íbúaþróun á svæðinu – þingeyingar komnir yfir 5 þúsund

Hagstofan birti í dag tölur um mannfjölda 1. janúar sl. og skv. þeim hefur landsmönnum fjölgað um rúm 10 þúsund frá fyrra ári eða rétt um 3%. Fjölgunin á höfuðborgarsvæðinu var um 2,6% en í einstökum landshlutum fjölgaði mest á Suðurnesjum eða 7,4%. Minnst fjölgun varð á Norðurlandi vestra eða 0,5%. Á Norðurlandi eystra fjölgaði um 2,6% en á starfssvæði atvinnuþróunarfélagsins fjölgaði um 379 manns eða 7,7%. Í megin atriðum er þróunin lík og fyrir ári síðan þar sem stórfjárfestingar á Húsavíkursvæðinu og öflugur vöxtur í ferðaþjónustu í suðursýslunni endurspeglast í mikilli íbúafjölgun á meðan austursvæðið sem býr að uppistöðu til við sjávarútveg og landbúnað á frekar undir högg að sækja hvað varðar íbúaþróun. Þó er ánægjulegt að sjá að bæði á Raufarhöfn og Kópaskeri hefur sá jákvæði viðsnúningur átt sér stað að í báðum þorpunum fjölgar nú íbúum. Meira →

Framlög til uppbyggingar ferðamannastaða

Starfssvæði Atvinnuþróunarfélags ÞingeyingaÍ dag var tilkynntu Guðmundur Ingi Guðbrandsson, umhverfis- og auðlindaráðherra og Þórdís Kolbrún Reykfjörð Gylfadóttir, ferðamála- iðnaðar- og nýsköpunarráðherra um úthlutun á rúmlega 722 milljóna króna úr Framkvæmdasjóði ferðamannastaða til 56 verkefna. Þar af koma tæpar 136 milljónir króna í hlut verkefna á starfssvæði atvinnuþróunarfélagsins til 5 verkefna. Þau verkefni sem um ræðir eru: Meira →

Gerum okkur mat úr jarðhitanum- Eimur hugmyndasamkeppni

Hugmyndasamkeppni um matvælaframleiðslu með jarðvarma á Norðausturlandi

Eimur, í samstarfi við Íslensk verðbréf, Matarauð Íslands og Nýsköpunarmiðstöð Íslands kallar eftir hugmyndum sem stuðla að sjálfbærri nýtingu auðlinda á Norðurlandi eystra. Hugmyndir mega vera á hvaða stigi sem er og fela í sér allt frá framleiðslu á hráefnum til fullunninnar matvöru.  Meira →

Málþing um raforkumál

Byggðastofnun stendur fyrir málþingi um raforkumál á Íslandi fimmtudaginn 8. mars næst komandi í Hofi á Akureyri.

Umfjöllunarefni er einkum flutningskerfi raforku á Íslandi. Atvinnufyrirtæki víða um land þurfa raforku til starfsemi sinnar, bæði til að fá hreina orku í stað orku sem framleidd er með olíu vegna starfsemi sem þegar er til staðar og eins til að geta aukið við eða farið út í nýja starfsemi. Á vissum svæðum er orkuöryggi ekki nægjanlega tryggt. Meira →