AÞ er ætlað að vera mikilvægur hlekkur í að styðja við atvinnulíf og nýsköpun á svæðinu. Félagið skal skipað starfsfólki sem hefur góða þekkingu á staðháttum og veitir þjónustu sem stenst faglegan samanburð. Auk almennrar ráðgjafaþjónustu er mikilvægt að félagið fylgist með þróun og grundvallarbreytingum atvinnugreina. Því beitir félagið sér fyrir sterkari tengslamyndum, samstarfi og þátttöku atvinnufyrirtækja og atvinnumálanefnda á starfssvæðinu.

Framtíðarsýn AÞ byggir á heildarsýn á svæðið með tilliti til margbreytileika þess og skynsamlegri nýtingu náttúruauðlinda. Með miklum mannauð og vaxandi þekkingu verður þannig bæði hægt að byggja á hefðbundnum stoðum og nýjum viðfangsefnum. Í náinni framtíð er einkum horft til aukinnar orkunýtingar og þeirrar öru þróunar sem er í fjarskiptum og upplýsingatækni, auk tækifæra sem felast í ferðaþjónustu