Á fundi sínum 7. júní sl. samþykkti verkefnisstjórn Vaxtarsamnings Norðausturlands að veita sex verkefnum vilyrði um þátttöku. Alls bárust átta umsóknir að þessu sinni þar sem sótt var um 34,6 mkr. en áætlaður heildarverkefniskostnaður var 77,3 mkr.
Heildarupphæð veittra styrkvilyrða var 11,0 mkr. og er heildarverkefniskostnaður þeirra verkefna sem vilyrði hlutu áætlaður um 56,5 mkr.

Með þessari úthlutun hefur verið úthlutað úr samningnum til 24 verkefna, samtals 52,4 mkr. og standa um 30 mkr. eftir til ráðstöfunar en samningurinn gildir út árið. Hefur verkefnisstjórn ákveðið að næstu umsóknarfrestir verði 30. ágúst, 24. september og 5. nóvember.

  Lesa meira →

Þekkingarnet Þingeyinga býður upp á fjölbreyttar námsleiðir næsta haust og má þar m.a. nefna Fagnámskeið fyrir starfsfólk í heilbrigðis- og félagsþjónustu, Skrifstofuskólann og kennslu í meðferð matvæla.
Nánari upplýsingar um námsframboð má sjá í meðfylgjandi pdf bækling sem og hjá Þekkingarneti Þingeyinga á vefsíðunni www.hac.is

Fjöldi ferðamanna leggur leið síðan til Húsavíkur og til Norðausturlands árið um kring og hefur t.a.m.fjöldi gesta í Mývatnssveit aldrei verið meiri að vetrarlagi heldur en á liðnum vetri. Í sumar hafa sex skemmtiferðaskip boðað komu sína til Húsavíkur og er hið fyrsta væntanlegt sunnudaginn 9. júní nk.
Þau skip sem eru væntanleg til Húsavíkur í sumar eru;

M/V Discovery – sunnudaginn 9 júní  08:00 til 17:00.
M/V Gann – miðvikudaginn 26 júní 10:00 til fimmtudags 27 júní til 04:00.
M/V MS – National Geographic Explorer - mánudaginn 15 júlí og verður það við akkeri.
M/V Le Boeral – sunnudaginn 28 júlí  07:00 til 16:00.
M/V Braemar - fimmtudaginn  08 ágúst 08:00 til 14:00.
M/V Black Watch – laugardaginn 24 ágúst 08:00 til 17:00.

Félag íslenskra landslagsarkitekta í samstarfi við fleiri aðila stendur fyrir málþingi um hönnun og skipulag ferðamannastaða og leiða föstudaginn 7. júní kl. 12-17.

Á málþinginu munu innlendir og erlendir fyrirlesarar fjalla um áhugaverð innlend og erlend hönnunarverkefni, m.a. áfangastaði í bandarískum þjóðgörðum, forna þingstaði á norðurlöndum, ferðamannaleiðir og ýmsa áfangastaði innanlands sem utan.

Málþingið sem er opið öllum áhugasömum fer fram í Norræna húsinu en einnig verður hægt að fylgjast með því í beinni útsendingu á netinu.

Dagskrá og nánari upplýsingar má finna hér 

Leiðarbækling Strætó á Norður- og Austurlandi, þ.e. tenging frá Siglufirði til Akureyrar, frá Akureyri til Þórshafnar og frá Akureyri til Egilsstaða er hægt að nálgast hér í pdf formi. Upplýsingar um aðra áætlun má sjá á vef Strætó www.straeto.is