Verslunardagur verður haldinn á Þórshöfn á morgun, föstudaginn 27. ágúst. Verslunar- og þjónustuaðilar hafa tekið höndum saman um að bjóða afslætti og góð tilboð. Nágrannar Þórshafnar vestan Melrakkasléttu eru sérstaklega hvattir til að nýta tækifærið og skoða nýja veginn yfir Hólaheið á leiðinni.

Nýsköpunarmiðstöð Íslands mun standa fyrir námskeiði, Brautargengi, fyrir konur um stofnun og rekstur fyrirtækja. Brautargengi er námskeið fyrir konur sem vilja hindra viðskiptahugmynd í framkvæmd og hefja eigin rekstur og fyrir konur sem eru í atvinnurekstri en vilja auka rekstrarþekkingu sína.

Námskeiðið verður haldið á Húsavík og hefst 8. september, en kennt verður á miðvikudögum milli kl. 12:30 og 17:00.
Umsóknarfrestur er til 1. september.

Auglýst hefur verið eftir umsóknum í styrki frá NATA, North Atlantic Tourist Association. Um er að ræða samning Íslands, Færeyja og Grænlands um samstarf landanna þriggja í ferðamálum. Allir sem áhuga hafa á bættum samskiptum á sviði ferðamála milli landanna þriggja geta leitað eftir aðstoð við að fjármagna verkefni, hugmyndir, ferðir eða því um líkt. Umsóknir skulu fela í sér samstarf milli tveggja af löndunum þremur hið minnsta. 
Sækja má um aðstoð á eftirfarandi sviðum:
Þróun ferða
Siglingar, þemaferðir, stuttar heimsóknir (shortbreak) o.s.frv.
Markaðssetning í ferðaþjónustu og greining sóknartækifæra
Alþjóðleg átaksverkefni á sviði ferðaþjónustu.
Menntun
Faglegar námsferðir, menntun á sviði ferðamála,
dvöl til að kynna sér aðstæður.

Í október á sl. ári var undirrituð viljayfirlýsing iðnaðarráðuneytisins og sveitarfélaganna á Norðausturlandi; Norðurþings, Þingeyjarsveitar og Skútustaðahrepps um samstarf á sviði orkurannsókna, orkunýtingar og stófelldrar atvinnuuppbyggingar í Þingeyjarsýslum. Í kjölfar undirritunar var verkefnisstjórn, sem hlaut vinnuheitið NAUST í þessu verkefni, skipuð en hún bar ábyrgð á leit á mögulegum samstarfsaðilum um atvinnuuppbyggingu sem byggir á hagnýtingu orkunnar frá háhitasvæðunum í Þingeyjarsýslum til að skapa nokkur hundruð varanleg störf á svæðinu.

Þjóðhátíðarsjóður sem starfar samkvæmt skipulagsskrá nr. 361 frá 30. september 1977 með áorðnum breytingum var stofnaður í tilefni af 1100 ára búsetu á Íslandi árið 1974.

Tilgangur sjóðsins er að veita styrki til stofnana og annarra aðila, er hafa það verkefni að vinna að varðveislu og vernd þeirra verðmæta lands og menningar, sem núverandi kynslóð hefur tekið í arf.