Flýtitenglar

  • HerdubreidGrafarlond
  • Kópasker_ap2541
  1. 1
  2. 2
  3. 3
  4. 4
  5. 5
  6. 6

Staðbundin matvæli – fundur 7. júní

Boðað er til umræðufundar um staðbundin matvæli í fundarsal Seiglu á Laugum í Þingeyjarsveit fimmtudaginn 7. Júní kl. 15:00 – 17:00. Til fundarins boða Búnaðarsambönd suður- og norður-Þingeyinga, Atvinnuþróunarfélag Þingeyinga, Matarskemman á Laugum og Matarauður Þingeyjarsýslu. Fundurinn er öllum opinn. Áhugafólk um staðbundin matvæli, framleiðendur og ferðaþjónustufólk er hvatt til að mæta. – Sjá nánar

Mætt á skrifstofuna

Nanna Steina Höskuldsdóttir

Nanna Steina Höskuldsdóttir verkefnastjóri atvinnu- og samfélagsþróunar á Raufarhöfn hefur nú komið sér fyrir í Ráðhúsinu við Aðalbraut númer 23 og eru íbúar Raufarhafnar hvattir til að leita til Nönnu og nýta starfskrafta hennar til hins ýtrasta. Nanna verður við á venjulegum skrifstofutíma, tölvupóstfang hennar er nanna@atthing.is og símanúmer 868 8647 og  464 9882.

Starf verkefnastjóra atvinnu- og samfélagsþróunar er samstarfsverkefni Atvinnuþróunarfélags Þingeyinga og Norðurþings og er meðal annars ætlað til að fylgja eftir verkefnum Brotthættra byggða. Nanna er starfsmaður Atvinnuþróunarfélagsins en um leið tengiliður samfélagsins við stjórnsýslu Norðurþings.

Skrifstofa AÞ lokuð 25-26 apríl

AÞ-logoSkrifstofa Atvinnuþróunarfélags Þingeyinga verður lokuð dagana 25. og 26. apríl vegna vorfundar atvinnuþróunarfélaganna og ársfundar Byggðastofnunar.

Ráðið í nýtt starf verkefnastjóra atvinnu- og samfélagsþróunar

Ákveðið hefur verið að ganga til samninga við Nönnu Steinu Höskuldsdóttur á Höfða í nýtt starf verkefnastjóra atvinnu- og samfélagsþróunar með starfsstöð á Raufarhöfn. Um er að ræða samstarfsverkefni Atvinnuþróunarfélags Þingeyinga og Norðurþings. Starfið er sett á fót í framhaldi af formlegum verkefnislokum Raufarhafnar og framtíðarinnar og er m.a. ætlað að byggja ofan á þann árangur sem þar náðist og fylgja honum eftir ásamt því að vera tengiliður samfélagsins á Raufarhöfn við stjórnsýslu sveitarfélagsins og hverfisráðið á Raufarhöfn. Þá mun starfsmaðurinn sérstaklega sinna verkefnum atvinnuþróunarfélagsins á austurhluta starfssvæðis þess allt til Bakkafjarðar, í samstarfi við aðra starfsmenn félagsins. Meira →

Ferðavenjur erlendra ferðamanna sumarið 2016

Rannsóknamiðstöð ferðamála (RMF) gaf nýverið út sex skýrslur um ferðavenjur og útgjöld erlendra gesta sumarið 2016 á sex áfangastöðum, þar á meðal Mývatnssveit og Húsavík. Skýrslurnar byggja á spurningakönnun sem hefur verið framkvæmd árlega frá sumrinu 2013 á alls ellefu stöðum. Höfundur og umsjónaraðili verkefnisins er Lilja Berglind Rögnvaldsdóttir en rannsóknin var samstarfsverkefni Rannsóknamiðstöðvar ferðamála og Rannsóknaseturs Háskóla Íslands á Húsavík. Meira →